Stredl

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Stredl (ing. Straddle) — investorun eyni öhdəlik müddəti, baza aktivi və istifadə qiyməti olan opsion üzrə "Koll" və "Put" mövqelərini götürməsi strategiyası. Bu strategiya istənilən istiqamətdə böyük qiymət dəyişikliyi olduğu halda investora qiymətlərin qalxdığı bazarda "Koll" opsionunu, qiymətlərin düşdüyü bazarda isə "Put" opsionunu istifadə edərək yaranmış vəziyyətdən istifadə etmək imkanı yaradır. Aşağıdakı hallar mümkün ola bilər:

1. Fond bazarında səhmin müəyyən qiymətə alınması və ya satılması ilə bağlı səhm sahibi ilə əldə olunan razılıq;
2. Qiymətli kağız sahibinə müəyyən qiymət əsasında alqı-satqı aparmaq hüququ verən ikiqat opsion;
3. Əmtəə və xidmətlər bazarında eyni zamanda bir əmtəə və xidmətin satılması ilə başqa birinin alınması.^[1]

1. ↑ Yerli İqtisadi İnkişaf Mərkəzi. Maliyyə Bazarı Terminlərinin İzahlı Lüğəti (PDF). Bakı: Nurlar. Yerli İqtisadi İnkişaf Mərkəzi. 2010. səh. 228-229. ISBN 978-9952-450-79-8.